Ramadan R Code

facebooktwitteryoutubersssiteregister

اللون الاحمر اللون الأزرق اللون الأسود اللون الأخضر اللون الوردي اللون البحري اللون الرمادي

انضم لمتآبعينا بتويتر ...

آو انضم لمعجبينا في الفيس بوك ...
قديم 18-02-2012, 01:01 AM   #1 (permalink)
iuyt قصة ماريان فى السماء


ماريان فى السماء
ماريان فتاة الخمسه عشر ربيعاً رأيتها تتحرك بخفه ودلع وإبتسامه عريضه تعلو وجهها طايره من الفرح والسعاده .
وماما فرحانه بوردتها الوحيده الجميله ماريان إن شاء الله يا حبيبتى , السن دى تاخدى الإعداديه بمجموع كبير وتدخلى ثانوى عام وتلات سنين يجروا بسرعه وتدخلى كليه طب او صيدله وأشوفك دكتوره
يارب فرحنى بيها ... حبيبه ماما
ماريان ووالدتها رأيتهم فى شارع خالد بن الوليد فى سيدى بشر بالإسكندريه , كانت ماريان واقفه قدام المرايه فى البروفه فى أحد محلات الملابس بالشارع المزدحم
إيه رأيك يا ماما ؟
حلو الطقم دة عليا ؟
يجنن عليكى يا حبيبه ماما
الليله ليله رأس السنه وماريان إشترت لبس العيد وإختارت طقم حلو جميل وروحت مع ماما
إيه رأيك يا بابا فى اللبس الجديد ده ؟

جميل قوى عليكى يا حبيبه بابا ... كل سنه وإنتى طيبه وإن شاء الله لما تنجحى السن دى وتجيبى مجموع كبير ليكى عندى هديه جميله هتعجبك قوى

بجد يا بابا هاتجبلى إيه ؟

علشان خاطرى قولى

لا .. لا يا ماريان خليها مفاجأه

خلاص يا عم بابا ... خليها مفاجأه لوقتها بس انا ليّ عندك طلب ياسى بابا

قولى يا حبيبتى ... طلباتك أوامر

انت عارف نانسى صاحبتى باباها مسافر ومامتها تخاف عليها تروح الكنيسه لوحدها بالليل النهارده نفوت عليها نأخدها معانا ليله رأس السنه , وبعد الكنيسه تيجى وتبات معايا هنا والصبح إن شاء الله تروح .

ومامتها هتوافق يا ماريان ؟

ايوه طبعا يا بابا ومدام هاتروح معانا كلنا اكيد مامتها هتوافق

بالليل خرجت ماريان وبابا وماما وفاتوا على نانسى اخدوها معاهم , قضوا ليله جميله فى كنيسه القديسين , ليله رأس السنه الجديده 2011 صلوات وتسابيح وألحان وافراح بالسنه الجديده

الساعه 12,20 م بالضبط رن موبايل ماريان مامت نانسى بتطمن عليهم , خرجت ماريان على باب الكنيسه ترد على الموبايل


قصة ماريان فى السماء

فجأه ....

فجأه دوى صوت إنفجار رهيب مرعب هز المنطقه كلها , قيل انه سياره مفخخه كانت تقف بالقرب من باب الكنيسه , إنفجرت إنفجار مدوى رهيب مفزع لحظه خروج ماريان للرد على الموبايل


وإذ كانت ماريان قريبه جدا من موقع الإنفجار تمزق جسدها كله بحيث بات من الصعب التعرف على اى جزء منها بعد ان إختلطت أشلائها بدماء وأشلاء الشهداء الاخرين

قصة ماريان فى السماء

صرخ وعويل وجثث وأشلاء ودماء تتطاير هنا وهناك انت فين يا ماريان ؟ انت فين يا ماريان ؟ يا ماريان ... يا ماريان

بابا وماما ونانسى بيصرخوا مفزوعين ... مرعوبين ياماريان ... يا ماريان انت فين

وماريان بتنادى عليهم كمان

هى شايفاهم ... هى سمعاهم

لكن هم لا سامعينها ولا شايفينها

انا هنا يا بابا ... انا هنا يا ماما ... انا هنا يا نانسى ... انا مع الملاك اللى ماسك إيدى
احنا طالعين فوق يا ماما
طالعين فوق عند بابا يسوع
متنساش يا بابا من فضلك توصل نانسى
يا ماما متخافيش ... بتصرخى وتعيطى ليه ؟
ناس كتير من اللى كانوا بيصلوا معانا فى الكنيسه طالعين معايا ... ومعانا ملايكه كتير إحنا فرحانين جداً يا بابا
من فضلك يا ماما متعيطيش ... متصرخيش انا فرحانه جدا والملاك ماسك إيدى إحنا طالعين بسرعه ... والمنظر فى السما رائع
على فكره يا ماما ... انا قبل ما اطلع مع الملاك خلغت هدومى اللى كانت مليانه دم والملام لبسنى توب ابيض جميل
وملاك تانى قابلنا وإحنا طلعين حط على رأسى اكليل من دهب وفات على كل اللى طالعين معانا وحط على رأس كل واحد فيهم اكليل من دهب بيلمع جدا
ياه !!! ياه يا ماما المنظر هنا جميل جدا ورائع
ملايكه كتير وقديسين كتير جايين عالسحاب يستقبلونا بترانيم وتسابيح وألحان جميله
حاجه يا ماما متتوصفش , حاجه معرفش احكيلك عنها
خلاص ... خلاص يا ماما ادينا وصلنا

ياه يا ماما انا مش مصدقه نفسى اتاريهم هنا كمان بيحتفلوا بليله رأس السنه بس الملاك قالى احنا هنا فى إحتفالات على طول أفراح وتسابيح ليل نهار مفيش هنا اصلا ليل
ايه دة ؟؟؟ أسم الصليب !!! ماما العذراء


قصة ماريان فى السماء

اهلا بيكى يا ماريان ... حمدله بالسلامه يا حبيبتى , اهلا بيكى يا ماما العذراء

ياه حضرتك جميله قوى يا ماما العذراء

انتى اجمل واحلى كتير من الايقونه اللى فى الكنيسه

تعالى معايا يا ماريان اعرفك بكل اللى كنتى بتحبيهم عايزه تشوفى مي نفى الاول ؟

عايزه اشوف البابا كيرلس ومارمينا ومارمرقس وابونا بيشوى كامل ومارجرجس وكمان إذا مكنش فيها تعب اشوف تماف ايرينى



ياه ... ياه

انا مش مصدقه نفسى

البابا كيرلس ..
قصة ماريان فى السماء
. اهلا بيكى يا ماريان يا بنتى إدخلى سلمى على مارمينا
قصة ماريان فى السماء


ومارمرقس
قصة ماريان فى السماء
وابونا بيشوى كامل
قصة ماريان فى السماء
ومارجرجس
قصة ماريان فى السماء
وتماف ايرينى
قصة ماريان فى السماء
وكل الشهداء والقديسين

من فضلك يا ماما العذراء انا عايزه اجيب ماما وبابا ونانسى صاحبتى عايزاهم يبقوا معايا هنا فى المكان الجميل دة

كلهم هايجوا يا حبيبتى ... كل واحد له ميعاد ... فى ميعادهم هايجوا كلهم ... مش هانسيبهم لوحدهم ... هنبقى كلنا مع بعض مع بابا يسوع وفرحانين
ولا يزال صوت صراخ بابا وماما ونانسى ينادى إنتى فين يا ماريان ؟ إنتى فين يا ماريان ؟ إنتى فى انهى مستشفى ؟

أكيد ماتت ... أكيد إتقتلت

ماتت إيه وإتقتلت ايه يا ماما ؟

يا ماما انا صاحيه ... يا ماما انا موجوده

انا هنا فى أحلى مكان ... انا هنا مع ماما العذراء

من فضلك يا ماما العذراء هى ماما مش سمعانى ليه ؟

انا سامعاها وشايفاها سامعاها بتصرخ وبتعيط

وشايفاها بتدور عليا فى المستشفيات , عايزه اعرفها مكانى , عايزه اطمنها عليا وافرح قلبها

من فضلك يا ماما العذرا مفيش هنا موبايل اكلم ماما وكمان بابا ونانيى

متقلقيش يا ماريان ... انا هاخدك بنفسى ونروح لها نطمنها عليكى ... اكيد لما هتشوفك معايا هتفرح
ولازالت ام ماريان حتى كتابه هذه السطور


قصة ماريان فى السماء

تذهب كل يوم الى موقع الحادث

تتشدد وتشدد الاخرين

وهى تصرخ بكل قوه وإيمان ويقين
ماريان عايشه ... ماريان ماماتتش

ماريان فى السماء
ماريان فى السماء
ماريان فى السماء
بركته تكون معا جميعا
منقووول
اذكرونى فى صلوتكم




 





  رد مع اقتباس
قديم 24-11-2012, 11:33 PM   #3 (permalink)
 
الصورة الرمزية بنت ابونا اور
افتراضي


التوقيع:
هضحك وافرح **** ومش هاخد فى بالى
ما انت علـــيا **** سهران الليالــــــــــــى
دة بقيامتـــــك *** احيتنى من تانـــــــــى


  رد مع اقتباس
قديم 01-11-2015, 10:17 AM   #4 (permalink)
 
الصورة الرمزية rina1990


rina1990 غير متواجد حالياً
من مواضيعي
 


rina1990 will become famous soon enoughrina1990 will become famous soon enough
افتراضي

قصة رائعة ربنا يباركم وينفعنا ببركة صلواتها


التوقيع:
  رد مع اقتباس
إضافة رد
مواقع النشر (المفضلة)


« ساره والابس كريم | - »

جديد مواضيع ♥ قسم القصص الدينية القصيرة ♥
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
نرحب باختنا ماريان عادل ميرو بنت البابا ♥ قسم تعارف الاعضاء ♥ 3 07-02-2012 06:14 PM
ترنيمة عمركـ كله -اداء فردى ماريان جورج &يوسف الامير قسم الترانيم المتنوعة 2 30-12-2009 05:04 PM
معاك هاعدي اي سور ماريان شوقي وجون لبيب الامير قسم الترانيم المتنوعة 2 11-12-2009 06:48 PM

Powered by vBulletin ® Version 3.8.6

Copyright ©2000 - 2014, Jelsoft Enterprises Ltd avamena.com

 الساعة الآن 03:53 PM.

جميع الحقوق محفوظة لمنتدى افامينا مطران جرجا المتنيح ... جـمـيع الآراء و المـشاركات الـمـنشورة في هذا المنتدى تعبر فقط عن رأى صاحبها الذى قام بكتابتها تحت إسم عضويته و لا تعبر بأى حال من الأحوال عن رأي منتدى افامينا

هذا المنتدى شخصى وغير تابع لاى جهة رسمية أو كنسية وغير خاضع لأى ايبارشية